Անգլիալեզու Ծրագիր Նախադպրոցականների համար

English | Հայերեն

 Ծրագիրը նախատեսված այն ընտանիքների համար, որոնք ցանկանում են`

• դաստիարակել իրենց երեխաներին երկլեզու կամ բազմալեզու միջավայրում
• ընձեռել իրենց երեխաներին անգլերեն լեզու սովորելու բացառիկ հնարավորություն իրենց հարազատ միջավայրում,
• պահպանել և զարգացնել իրենց երեխաների անգլերեն լեզվի իմացությունը, եթե նախկինում ապրել են արտասահմանում,
• նպաստել իրենց երեխաների ստեղծագործական և մտավոր կարողությունների զարգացմանը,
• նպաստել իրենց երեխաների շփման ունակությունների զարգացմանը` միաժամանակ ընդլայնելով նրանց ընկերական շրջապատը:

Ծրագրի իրականացումը Մեր փորձառու մասնագետները շփվում են Ձեր երեխաների հետ խաղաժամի ընթացքում միայն անգլերենով Խաղ-վարժությունները համապատասխանում են Ձեր երեխայի տարիքին և ներառում են` խաղեր խաղալիքներով, նկարչություն, ձեռքի աշխատանքի հմտությունների զարգացում, նկարազարդ գրքերի ընթերցանություն, զբոսանք, խաղ-վարժություններ հիմնական հասկացությունների շուրջ (գույներ, երկրաչափական առարկաներ, թվեր և այլն): Իրավիճակային շփման միջոցով, ժամանակի ընթացքում Ձեր երեխաների անգլերեն լեզվի հասկացողության ունակությունն աստիճանաբար բարելավվում է, և նրանք սկսում են կազմել երկբառ արտահայտություններ, այնուհետև` ամբողջական նախադասություններ:

Երեխաների տարիքը

• Ձեր երեխաների տարիքը պետք է լինի 2 – 5 տարեկան:

Երեխաների քանակը խմբում

• Խաղաժամերն անց են կացվում փոքր խմբերով. յուրաքանչյուր խմբում ընդգրկված է 6-7 երեխա:

Խաղաժամերի անցկացման հաճախականությունը

• Ներկայումս խաղաժամերն անց են կացվում շաբաթը երկու անգամ` 1,5 ժամ տևողությամբ:
• Օրերն ու ժամերը ենթակա են փոփոխության` կախված խմբերի քանակից:

Խաղաժամերի անցկացման վայրը Բոլոր խաղաժամերն անց են կացվում Հայաստանի Ամերիկյան Համալսարանում գտնվող հատուկ կահավորված խաղասենյակներում: Խաղաժամերի ընթացքում ծնողները կարող են օգտվել ՀԱՀ-ի գրադարանից և ճաշարանից, կամ սպասել խաղասենյակին կից գտնվող սպասասրահում, որտեղ նրանց տրամադրված են հարմարավետ աթոռներ և ընթերցանության նյութեր: Ծնողը կարող է  մնալ խաղասենյակում այնքան ժամանակ, մինչև երեխան իրեն ապահով և հանգիստ կզգա:       Ծրագրի տևողությունը

• Ծրագրի նվազագույն տևողությունը մեկ ամիս է: Երեխայի վերագրանցումը կատարվում է ամսական կտրվածքով:
• Ծնողներն իրենք են որոշում, թե որքան ժամանակ շարունակել ծրագիրը: Այնուամենայնիվ, երեխային օտար լեզվի միջավայրում դաստիարակելն ունի երկարաժամկետ բնույթ:

Մեր մասնագետները Մենք մանրակրկտորեն ընտրում և վերապատրաստում ենք այն մասնագետներին, որոնք աշխատում են Ձեր երեխաների հետ: Նրանք բոլորն Ամերիկյան Համալսարանի Անգլերեն Լեզվի Բաժնի, Անգլերեն Լեզվի Դասավանդումը որպես Օտար Լեզու Մագիստրատրատուրայի ավարտականներ են: Մասնագետների ընտրության նախապայմանները Նախադպրոցական երեխաների հետ աշխատելու հետաքրքրվածություն Անգլերեն լեզվի վարժ և գրագետ տիրապետում Նախադպրոցական տարիքի երեխաների դասավանդման վերապատրաստական դասընթացի բարեհաջող ավարտում Վաղ տարիքի երեխաների ուսուցման վերապատրաստական դասընթացների բարեհաջող ավարտում Նախադպրոցական երեխաների հետ աշխատելու փորձ      Վճարումը

12 ժամվա համար նախատեսված ամսական վճարը (1.5 ժամ, շաբաթը երկու անգամ) կազմում է`

• 30,000 ՀՀ դրամ այն ընտանիքների անդամների համար, որոնք ընդգրկված չեն Հայաստանի Ամերիկյան Համալսարանի անձնակազմի  մեջ
• 27,000 ՀՀ դրամ Հայաստանի Ամերիկյան Համալսարանի աշխատակիցների և ուսանողների (ընթացիկ և շրջանավարտ) ընտանիքների անդամների (ծնողներ, տատիկ/պապիկ, քույր/եղբայր) համար 
• Վճարումը կարող է կատարվել`
  • Ամերիկյան Համալսարանի հաշվապահությունում կանխիկ (Հայաստանի Ամերիկյան Համալսարան, գլխավոր մասնաշենք ս.59, 10:00-16:00, ընդմիջում 13:00- 14:00, հեռ. 51-27-16) կամ
  • բանկային փոխանցման միջոցով (HSBC, հաշվեհամար 001-006402-001)

• Վճարումը կատարելուց հետո խնդրում ենք ներկայացնել լրացված հարցաթերթը (անգլերեն և հայերեն տարբերակները) և կտրոնը Անգլերեն Լեզվի Բաժին` Հայաստանի Ամերիկյան Համալսարան, Փարամազ Ավեդիզյան մասնաշենք, 403W  սենյակ, կամ ուղարկել հետևյալ էլեկտրոնային հասցեով`[email protected].
• Բաց թողնված/չանցկացված խաղաժամերը կարող են լրացվել միայն տվյալ ամսվա ընթացքում:

Եթե ցանկանում եք կատարել առաջարկներ ծրագրի վերաբերյալ կամ գրանցվել, զանգահարեք մեզ`098 58 24 52 / 096-696-880 կամ լրացրեք ներքոհիշյալ հարցաթերթը`